நீங்கள் தேடியது "குமரி மழை"

நாகர்கோவில்:

குமரி மாவட்டத்தில் கடந்த மாதம் முதல் வெயில் கொளுத்தியது.

பாராளுமன்ற தேர்தல் சூட்டை மிஞ்சும் அளவுக்கு மாவட்டம் முழுவதும் வெயில் வாட்டி வதைத்தது. இதனால் பிரசாரத்தில் ஈடுபட்ட வேட்பாளர்களும், தொண்டர்களும் பெரும் அவதிக்கு ஆளானார்கள்.

பகலில் வெளியே தலை காட்ட முடியாத அளவுக்கு மக்கள் வீடுகளில் முடங்கும் நிலை ஏற்பட்டது. இரவிலும் மாறாத புளுக்கத்தால் மக்கள் தூங்க முடியாமல் அவதிப்பட்டனர்.

தேர்தல் பிரசாரம் நேற்று மாலை ஓய்ந்த நிலையில் கோடை வெயிலும் நேற்று பிற்பகல் முதல் திடீரென குறைந்தது. மாவட்டம் முழுவதும் வானம் மேக மூட்டத்துடன் காணப்பட்டது.

மாலை நெருங்கும் நேரத்தில் மாவட்டத்தின் மேற்கு பகுதிகளில் மழை பெய்ய தொடங்கியது. குறிப்பாக மலை கிராமங்களில் பலத்த மழை பெய்தது.

சிற்றார், களியல், குலசேகரம்,குழித்துறை, திருவட்டார், சிவலோகம், பேச்சிப்பாறை, பெருஞ்சாணி பகுதிகளில் பெய்த மழை,பின்னர் குமரி கிழக்கு மாவட்ட பகுதிகளான மயிலாடி, கொட்டாரம், தக்கலை, இரணியல், குருந்தன்கோடு பகுதிகளிலும் பெய்தது.

அதிக பட்சமாக குழித்துறையில் 54.4 மி.மீ. மழை பெய்தது. மற்ற இடங்களில் பெய்த மழை அளவு மி.மீட்டரில் வருமாறு:-

பூதப்பாண்டி- 34.6, சிற்றார் 1- 35.4, களியல்- 6.2, கன்னிமார்- 42.4,பேச்சிப்பாறை- 53.2,பெருஞ்சாணி -53.4, புத்தன் அணை- 54, சிவலோகம் - 7, சுருளோடு- 30, தக்கலை- 1, குளச்சல்- 11.4,

இரணியல்- 14.4, மாம்பழத்துறையாறு- 2, கோழிப்போர் விளை- 14, அடையாமடை- 11, முள்ளங்கினாவிளை- 4, ஆனைகிடங்கு - 6.2

குமரி மாவட்டத்தில் பெய்த திடீர் கோடை மழை காரணமாக அணைகளுக்கு வரும் நீரின் அளவும் அதிகரித்தது. குறிப்பாக பேச்சிப்பாறை அணையின் நீர் மட்டம் இன்று காலை 8 மணி நிலவரப்படி 1.40 அடியாக உயர்ந்தது.

பெருஞ்சாணி அணையின் நீர் மட்டம் 18.20 அடியாகவும், பொய்கை அணையின் நீர் மட்டம் 10.30 அடியாகவும் இருந்தது. சிற்றார் 1 அணையின் நீர் மட்டம் 5.18அடியாகவும், சிற்றார் 2 அணையின் நீர் மட்டம் 5.28 அடியாகவும் இருந்தது. மாம்பழத்துறையாறு அணையின் நீர் மட்டம் 43.64 அடியாக உள்ளது.

கோடை மழை காரணமாக குமரி மாவட்டத்தில் நேற்றிரவு வெப்பத்தின் தாக்கம் சற்று குறைந்து காணப்பட்டது.

நாகர்கோவில்:

வடகிழக்கு பருவமழை தீவிரம் அடைந்துள்ளதை அடுத்து தமிழகத்தின் பல்வேறு பகுதிகளிலும் கனமழை கொட்டித்தீர்த்து வருகிறது.

குமரி மாவட்டத்தில் நேற்று மாலை முதலே மாவட்டம் முழுவதும் பரவலாக மழை பெய்யத் தொடங்கியது. இரவு விடிய, விடிய மழை கொட்டித் தீர்த்தது.

நாகர்கோவிலில் நேற்று இரவு முதலே விட்டு, விட்டு மழை பெய்தது. இன்று காலையிலும் மழை கொட்டித் தீர்த்தது. இதனால் பள்ளி சென்ற மாணவ, மாணவிகள் சிரமத்திற்கு ஆளானார்கள்.

கோழிப்போர்விளை பகுதியில் சுமார் 2 மணி நேரமாக கொட்டித்தீர்த்த கனமழையின் காரணமாக அந்த பகுதி முழுவதும் வெள்ளக்காடானது. அங்கு அதிகபட்சமாக 70 மி.மீ. மழை பதிவானது.

மயிலாடி, கொட்டாரம், குளச்சல், ஆனைக்கிடங்கு, ஆரல்வாய்மொழி, சுருளோடு, பூதப்பாண்டி, முள்ளங்கினாவிளை, புத்தன் அணை உள்பட அதன் புறநகர் பகுதிகளில் இடி, மின்னலுடன் கனமழை பெய்தது. தொடர்ந்து பெய்து வரும் மழையின் காரணமாக மாவட்டம் முழுவதும் குளு, குளு சீசன் நிலவுகிறது.

திற்பரப்பு அருவி பகுதியில் பெய்து வரும் மழையின் காரணமாக அருவியில் வெள்ளம் ஆர்ப்பரித்து கொட்டி வருகிறது. அருவியில் குளிப்பதற்கு மாவட்டத்தின் பல்வேறு பகுதியில் இருந்து ஏராளமானோர் குடும்பத்தோடு அங்கு குவிந்து இருந்தனர்.

மலையோர பகுதியான பாலமோர் பகுதியிலும், பேச்சிப்பாறை, பெருஞ்சாணி அணை பகுதிகளிலும் கொட்டித்தீர்த்த கனமழையினால் அணைகளுக்கு வரக்கூடிய நீர்வரத்து கணிசமாக உயர்ந்துள்ளது. இதனால் அணைகளின் நீர் மட்டம் வெகுவாக உயர்ந்து வருகிறது.

பெருஞ்சாணி அணை மீண்டும் நிரம்பி வருவதை அடுத்து பொதுப்பணித்துறை அதிகாரிகள் 24 மணி நேரமும் கண்காணிப்பு பணியை மேற்கொண்டு வருகிறார்கள். அணைக்கு வரக்கூடிய தண்ணீருக்கு ஏற்ப அணையில் இருந்து தண்ணீர் வெளியேற்றப்பட்டு வருகிறது. இதனால் குழித்துறை ஆற்றின் கரையோர பகுதி மக்களுக்கு வெள்ள அபாய எச்சரிக்கை விடப்பட்டுள்ளது.

77 அடி கொள்ளளவு கொண்ட பெருஞ்சாணி அணையின் நீர்மட்டம் 72.95 அடியாக இருந்தது. அணைக்கு 431 கனஅடி தண்ணீர் வந்துகொண்டிருக் கிறது. அணையில் இருந்து 245 கனஅடி தண்ணீர் வெளியேற்றப்படுகிறது.

48 அடி கொள்ளளவு கொண்ட பேச்சிப்பாறை அணை நீர்மட்டம் 27.40 அடியாக இருந்தது. அணைக்கு 696 கனஅடி தண்ணீர் வந்து கொண்டிருக்கிறது. அணையில் இருந்து 245 கனஅடி தண்ணீர் வெளியேற்றப்படுகிறது.